السلام عليكم ورحمة الله وبركاته
مساكم عامر بالافراح
جديدي اهديه اليكم
معك تحلى سنين العمر واحس ان الامل باقي واشوف العمرفي قربك يلين ويفرد حجاجه غرامك أشعل احساسي وعطّر حبك أوراقي وهمسك يانديم الروح طب القلب وعلاجه هواك استوطن بروحي وغاص بداخل اعماقي وصرت الحس والانفاس وحلم العمر وسراجه الا ياملهم إحساسي ونبضي وكل عشاقي مدامك صرت لي غايه مالي في الملا حاجه فبعدك تبكي جروحي وتشعل نار أشواقي يتوه الخافق المبلي بليل ٍ طوّل إفراجه ولا جابك زمان الجرح احس الوقت سراقي عقارب ساعته تلسع خفوق ٍ زاد لعّاجه هديتك من صميم القلب غرام ٍ صادق ٍ راقي وقلب ٍ لو قسى وقته معاك الطيب منهاجه يغني لك لحون الشوق ويعزف كل طرّاقي على عهد الهوى باقي اصيل ٍ والوفا تاجه الا هبت رياح الشوق لك الخفاق ينساقي دخيل الشوق لاتبعد هواك القلب يحتاجه ولامن جيتني والجو فقربك يالغلا راقي بضمك لين ماطفي بقلبي نار وهاجه 0
بقلمي
تحيتي لكم
موضوع: نديم الروح 
